mängisch

1
Mängisch schletzt e Türe zue
Mängisch han i eifach gnue
Mängisch verlüri jedes Spiil
Mängisch isch s mir eifach zvill

Mängisch blaast de Wind vo vor, zmitts is Gsicht
& mängisch stockets i minere Gschicht
Mängisch bisse n ich uf Zäh
& mängisch uf Granit

2
Mängisch isch mir alles gliich
ja und de Zug fahrt ohni mich
Mängisch gaht alles echli z schnäll
Au uf em ältischte Karusell

Mängisch blaast de Wind vo vor, zmitts is Gsicht
& mängisch stockets i dere Gschicht
Mängisch bisse ich uf Zäh
& mängisch, da lahn is si

Dänn isch es still, en Moment
Mach d Auge zue und xeh, wie s liechterloh brännt
Und ich gspüre, wie s mich innerlich fascht verriisst

Dänn isch es still, i minere Wält
Ich luege ufe is Himmelszelt
Du so gross und ich so chli

3
Mängisch isch min Chopf nur leer
Mängisch isch mir alles z schwer
Mängisch da tschägg ich s eifach nöd
Mängisch isch s mir eifach z blöd

Mängisch blaast de Wind vo vor, zmitts is Gsicht
& mängisch stockets i dere Gschicht
Mängisch bisse ich uf Zäh & mängisch, da lahn is si

Dänn isch es still, en Moment
Mach d Auge zue und xeh, wie s liechterloh brännt
Und ich gspüre, wie s mich innerlich fascht verriisst

Dänn isch es still, i minere Wält
Ich luege ufe is Himmelszelt
Du so gross und ich so chli