am meer

Er fahrt bi Wind und Wetter mit sim Fischerboot ufs offene Meer
S Rueder i de Hand, sin Blick am Horizont, de Wind im Haar
Er luegt denn jedes Mal zrugg as Ufer
Und xeht sini Liebschti sitze uf em Stei
Er denkt sich jedes Mal: "Warum isch das so schwer?
Am liebschte wär ich bi minere Liebschte dihei!"

Heb mi fescht
Heb mi fescht
Ich versinke i dir, i dine Ärm
Oisi Liebi wachst Tag für Tag
Heb mi fescht
Heb mi fescht
Ich versinke, s wird nie vergah
te quiero, mi amor, te quiero

Sit enere Ewigkeit sitzt sie uf dem Stei und luegt ufs Meer
Sie blickt i die blaui Wiiti, de Wind striicht zart dur ihres Haar
Sie wartet jede Tag uf ihri grossi Liebi
Sie denkt voller Sehnsucht a ihn
Sie leit denn jedes Mal es chlises Chiselsteinli
Uf die alti Muur bim Olivehain

Heb mi fescht
Heb mi fescht
Ich versinke i dir, i dine Ärm
Oisi Liebi wachst Tag für Tag
Heb mi fescht
Heb mi fescht
Ich versinke, s wird nie vergah
te quiero, mi amor, te quiero

So sitzed sie jetzt beidi uf dem warme Stei direkt am Meer
Sie i sine Arme, sin Chopf i ihrem Haar
D Sunne gaht under, de Himmel wird rot
De Wind laht langsam, langsam na
S Meer wird immer dunkler, wit weg es chlises Boot
De Alltag verschwindet nadisna

Heb mi fescht
Heb mi fescht
Ich versinke i dir, i dine Ärm
Oisi Liebi wachst Tag für Tag
Heb mi fescht
Heb mi fescht
Ich versinke, s wird nie vergah
te quiero, mi amor, te quiero